ەندى قالالىق اكىمدىككە جۇگىنۋ ءۇشىن كابينەتتەردىڭ تابالدىرىعىن توزدىرۋدىڭ قاجەتى جوق. ءوتىنىشتى الەۋمەتتىك جەلىلەردە نەمەسە قوڭىراۋ شالۋ ارقىلى قالدىرۋعا بولادى. مامانداردىڭ ايتۋىنشا، حالىقپەن جۇمىستىڭ جاڭا فورماتى جەدەلدىكتى ارتتىرۋعا جانە سىبايلاس جەمقورلىق تاۋەكەلدەرىن ازايتۋعا مۇمكىندىك بەرەدى.

–  كەلىپ تۇسكەن بارلىق وتىنىشتەر اقپاراتتىق جۇيەدە تىركەلىپ، اكىمدىكتىڭ ءتيىستى بولىمدەرىنە جىبەرىلەدى. جاۋاپ ون كۇن نەمەسە ودان بۇرىن دايىن بولادى. باستى مىندەت –  بايلانىس تەلەفونىن قالدىرۋ قاجەت، –   دەدى قوعامدىق قابىلداۋ ءبولىمىنىڭ مامانى دانا سيگۋاتوۆا. –   بارلىق وتىنىشتەر كۇن سايىن قابىلدانادى.

ءبىر اپتا ىشىندە قوعامدىق قابىلداۋ بولىمىنە 30 ءوتىنىش كەلىپ ءتۇستى.

جاقىندا قالالىق اكىمدىكتە فرونت-وفيس جۇمىس ىستەيدى. وندا جەر قاتىناستارى، ساۋلەت، جۇمىسپەن قامتۋ جانە الەۋمەتتىك باعدارلامالار، تۇرعىن ۇي-كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى بولىمدەرىنىڭ ماماندارى كەڭەس بەرىپ، قۇجاتتاردى قابىلدايدى. بۇل وفيسكە كەلگەندەردىڭ بارلىعى جۇمىس كۇندەرى ساعات 09.00-دەن 18.30-عا دەيىن كەڭەستەر مەن قىزمەتتەردى الا الادى.

الەۋمەتتىك جەلىلەردەگى اككاۋنتتار:

- Instagram: @Qabyldau.akimsemey

- facebook: ساندىق قوعامدىق قابىلداۋ

- telegram: 8 708 467 25 11

- twitter: ساندىق قوعامدىق قابىلداۋ

وتىنىشتەر 24/7 رەجيمىندە قابىلدانادى.

ءوتىنىشتى WhatsApp ءموبيلدى قوسىمشاسى ارقىلى مىنا بايلانىس نومەرگە + 7 708 467 25 11 جولداۋعا بولادى.

ەگەر سمارتفون نەمەسە كومپيۋتەر بولماسا، قوعامدىق قابىلداۋ بولمەسىنە 52-15 نومىرىنە حابارلاسۋعا بولادى.

سەمەي قالاسىنىڭ اقپاراتتىق ورتالىعى